Vir Altyd 07 November

Al jou vriende se vir my
Dat jy baie teleurgesteld sou gewees het in my
Ek kan jou nie so goed soos wat ek wil
Onthou nie
Maar dit voel nou asof jy
'n bietjie beter na my kyk
Jy’t net soveel gedrink
En ook jou hele lewe lank
Probeer weg hardloop
Ek weet nie hoe jy as kind was nie
Jy’t ook elke aand uitgegaan
Ek het geweet dit gaan gebeur
Ek het geweet dit gaan gebeur
Al die geskree-ery
Was toe verniet gewees
Ek het jou vergewe
En jy
Jy vir my
Ek sien jou in meisies raak
En dan gaan soek ek jou daar
Ek weet dis fokken simpel van my
Soos 'n baarmoeder
Dun gesmeer
Oor elke wegkruip plek
En trappie van my sosiale leer
Als van jou wat in my gis
Gee my hoendervleis
As dit November is
Dis al wat ek wil se
Dis al wat ek kan se