Sambreeltjie

Die soutpilaar het nou
Met 'n moerse knaal gebreek
Ek wonder maar nou net van jou
Sal ek weet
Hierdie kamer sluk my in
En die kussing sluk my weg
Maar jy bly op my oor soos 'n sonvlek
Hey sambreeltjie
Gooi jouself net toe
Die ergste lê daar voor
Op die agterstoep van my brein
Word ek dronk aan iets soos jy
Hou jou voete
Skuif nader kruisbeen
Hoog getuig
Ek het 'n foto
Maar hy’s klein
Van iets wat lyk soos jy
Agh hou dit toe
Dit sal my kamer aan die brand slaan
Hey sambreeltjie
Gooi jouself net oor
Die ergste lê daarvoor
Ek dink jou bloed is in my hart
Jou god in my long
Ek stuig in n sprong
Soos n warm
Warm ballon