I bi froh, bisch du by mir

Teil wüsse gnau, wo der Himmel isch
U spränge sich drum y d’Luft
U teil kämpfe nächtelang mit dir
U hinke nächär ar Huft
Wär wett nid wüsse, was würklich isch
U würklich gscheht?
Wär wett nid gseh, was me nid gseht?
Ref.:
I weiss nid, won i sta
Un i weiss nid, won i gah
Un i weiss nid, vo wo dass i das alles ha.
Wo chumen i här? U was chunnt nächär?
U was wär, we alles das nid wär?
Für was git es mi
U wo gahn i hi?
U finden i irgendwo ächt di?
Was weiss i scho vo mir?
Was weiss i scho vo dir?
I bi froh, bisch du by mir.
Teil wüsse gnau, wo’s düregeit,
Drum zünde sie Büecher aa.
U teil boue sich es Chartehus
U gloube de sälber dra.
Wär wett nid ou es Bitzli Halt
U Sicherheit?
Da, uf däm Schiff, wo undergeit?
Ref.
Teil wüsse ganz gnau, wär du bisch
U male di farbig aa.
Sie schrybe dir vor, wie du hesch z’sy
U was du z’tüe hesch, da.
Aber du losisch nid uf sie
U nid uf mi.
U vielich bisch du nume Chemie…
Ref.