Сүйіп өтем

Жанымды жылуымен жайландырып
Сезімнің ләззатына бойды алдырып.
Көлдей кең құшағымда тербетейін
Өзіңді аққуыма айналдырып.
Сүйген жан сүйетінін жасыра ма
Көңілім сен болмасаң ашыла ма?
Әлемнің бар ғажабын айрбастай
Алмаймын сенің бір тал шашыңа да.
Сүйемін сені мәңгі сүйіп өтем
Аялап алақанымда биік етем.
Баға жетпес «Жаным» деген бір сөзің
Тағдырымның маған берген сыйы ма екен?!
Жарқылдап жүрегімнің жасындары
Дауылы махаббаттың басылмады.
Мен барлық ғұмырымды құрбан етем
Бір таңға атқан сенің қасыңдағы.