Жүрегімнің алауымен ойнама

Сары күз еді ау сол шақта
Ұсынған балын аңсаудың.
Сағыныш басып жүргенде
Сары күзді де қарсы алдым.
Осынау жердің бетінде
Сені ешкім мендей сүйген жоқ.
Сағына күтіп таба алмай
Қаларымды да білгем жоқ.
Ойлама, енді мені көремін деп ойлама.
Ойнама, жүрегімнің алауымен ойнама.
Айнала сары күз бе сағыныш па айнала.
Жай ғана түсіп жатты жапырақтар жай ғана.
Сендегі аңсап жылуды
Сендегі аңсап күлкіні.
Арман да күтіп тұра алмас
Ақ бұлттай көшер бір күні.
Ізімді менің жасырып
Ақ қар да бір күн жауады
Мен сірә сені таппаспын
Әндерім сені табады.