La Sicolana

Vedetz la sicolana
Quan s’ei virat de costat
La lutz que l’a truversat
Enter los òs e la pèth
Autan de carn
Qu’un ausèth
Vedetz la sicolana
Quan eth partí tau quilhèr
Lo vent balaguèr bohè
Los malhets son demorats
Mes eth qu’estó emportat
Vedetz la sicolana
Sicolana ! Tau hanguèr se n’anè
Mala sòrta, la plojassa cadè
Drin tròp tard, de s’escapar que pensè
Mes pro lèu, que’u creix raditz au pè
Ohohoh Diu quina misèria
Deu brèç au cemitèri
Vedetz la sicolana
De tant qu’ei garrut
S’estuja dens la brana
Vedetz la sicolana
Diu qu’ei mau foutut
Com un camin de lana
E quan minja que s’escana
La sicolana !
Sicolana ! Tau cassorar se n’anè
Mala sòrta que peirabatè
Se las huelhas n’an pas tremolat
Lo praube òmi qu’estó tot traucat
Ohohoh Diu quin batahòri
Deu brèç au purgatòri