Pawi

May umagang minulat ng araw
Samyo ng hanging ramdam ang kalinga
Umuulan ang ligaya’t pag-asa
Taglay ng langit ang ‘yong makikita
Umabot man ako sa hangganan
‘Di kita bibitawan
Kung malayo ang ating pagitan
‘Di kita iiwan
Sa pag-tulog mo ay katabi
Ang mga ulap sa’yo papaligid
Habang puso mo ay masakit
Ang mga sugat aking papawiin
May malayang halik ni Bathala
Sumasayaw sa tunog at liwanag
Damang-dama ang pintig na iniwan mo
Ang pangako mong…
Umabot man ako sa hangganan
‘Di ako bibitawan
Kung malayo sa aking kanlungan
‘Di ako iiwan
Sa pag-tulog mo ay katabi
Ang mga ulap sa’yo papaligid
Habang puso mo ay masakit
Ang mga sugat aking papawiin
Halina, sumabay sa pagdilat ng bagong umaga
Halina, magmula sa kahapon hanggang sa magkita
Sa pag-tulog mo ay katabi
Ang mga ulap sa’yo papaligid
Habang puso mo ay masakit
Ang mga sugat aking papawiin
Sa pag-tulog mo ay katabi
Ang mga ulap sa’yo papaligid
Habang puso mo ay masakit
Ang mga sugat aking papawiin