Palästinalied 2

Dô er sich wolte übr uns erbarmen
Hie leit er den grimmen tôt
Er vil rîche durch uns armen
Daz wir kœmen ûz der nôt
Daz in dô des niht verdrôz
Dast ein wunder alze grôz
Aller wunder übergenôz
Hinnen fuor der sun zer helle
Von dem grabe, dâ er inne lac
Des was ie der vater geselle
Und der geist, den nieman mac
Sunder scheiden: êst al ein
Sleht und ebener danne ein zein
Als er Abrahâme erschein
(Halleluja, Halleluja)
Dô er den tievel dô geschande
Daz nie keiser baz gestreit
Dô fuor er her wider ze lande
Dô huob sich der juden leit
(Halleluja, Halleluja)