Bumba Meu Boi

L’arco c''a paglia, ‘o scudo c''a noce
«Siente che bella voce»
Anema santa, core senza catene
Chiagne sulagno ‘ngopp'a ‘na foce
Popolo miso ‘ncroce
Se dice ca sotto ‘a terra ce sta ‘o vveleno
Forze ‘e treciente criature
Vuttate ‘nterra a 'stu muro
Comme a tremila surdate
Nippole ‘e pover' ‘e casa
Flotte d''e cieli stellati
Brillano ancora pe' te…
L’elmo c''o fieno, ‘na lisca ‘e tunno
Pe' fà battaglia a 'stu munno
Sanghe vullente scorre pe' dint''e vvene
Ciente ca vonno
Quanti nun ponno
Resta tutto ‘nu suonno
Dondola ‘a vita fra anielle d’altalena
Strillane ‘e bestie marine
Draghi e serpenti d''a Cina
Stormi d’aucielli ‘ncantati
Volano ‘ngopp'a 'lli prati
Portano via 'sta vernata
E cantano ancora
Strillane 'e bestie marine
Stormi d’aucielli ‘ncantati
Portano via 'sta vernata
E cantano ancora pe' te
E cantano ancora pe' te