Salita paradiso

Venarrà 'nzieme 'e carezze 'e mare
'Ngopp'a varche, a varche 'e ciente vele
Porta suonne, comme 'e cose cchiù care
Pare doce ma po' addeventa fele
Oro ianco, ca dà mille surrise
Vieni cu' mme, 'a può truvà a «Sagliuta Paradiso»
Strega 'e povere, cu' nu mantiello 'e neve
Fatto a ffoglie d’America Latina
Saglie 'ncapa comm''e punte d''a freva
Scagna 'o juorno, 'a sera p''a matina
Vola in aria, cu' nippole 'e cammisa
Spilate 'o naso, addore nunn'è a «Sagliuta Paradiso»
Porta 'ncielo ma po' 'ncielo nunn'è
Piglia 'nguorpo comme''e muorze d''a famme
E chist’angeli vestute 'a «nguè-nguè»
So' cape 'e lignamme
Rieste allerta 'nmiezo a mille «pecché»
Pe' tramente essa 'a vita te magna
Dint''o vascio nu rummore, ched'è?
«Ggenta ca chiagne»
Frat' mio chesta è 'a vita pe' mme
'Na tirata primma ca 'a rota chiamma
Piccerillo po' te siente nu rre
Ca ride e jastemma
Quanti vvote aggio cercato d’ascì
A pazzià sulo cu' 'e prete 'e fummo
Ma po' ancora so' turnato a trasì
So' capa de chiummo
Core 'nfame
T’accire e nun t’avvisa
«Bello d''o zio
Jammo a murì a Sagliuta Paradiso»