San Pasquale a Chiaia

Ammore ca cammine
'Nmiezo 'e vvie e pe' 'nmiezo 'a ggente
E passe senza manco me guardà
Ma po' se me surrire
Je me sento cchiù cuntento
Se ferma 'a voce e nun riesco cchiù a parlà
E intanto 'o core, unico amico
Vene appriesso a me
'Nmiez''e palazzi e po' p''e mmure antiche
E saglie 'a voglia 'e te vedè
E chiano me piglia 'na malincunia
Pe' 'stu tiempo ca ha dda passà
E scenno felice currenno 'nmiezo 'a via
Me vene voglia d’alluccà
'Nmiezo a cheste vvie
Pe' San Pasquale a Chiaia
Me perdo 'int'a l’addore d''o ccafè
'Nmiezo a cheste vvie
Pe' San Pasquale a Chiaia
Vaco truvanno 'a ggente comme a mme
Che mi parli d’amore
Che mi parli di te
Ovunque sarai
Ci sarò
Per non perderti mai
Per non perderti mai
Ammore ca' t’adduorme fra l’addore d''e lenzole
E rieste tutt''a notte a llo aspettà
A me me piace quanno dint''o scuro parle sola
E chiude l’uocchie pe' putè sunnà
E intanto 'a musica p''e scale
Saglie appriesso a te
Esiste ammore cosa cchiù carnale
'E stà annascuso pe' vedè
Pe' vedè chello ca faje
E sapè addò vaje a durmì
Sotto 'a fenesta toja, je me scordo 'e guaje
Me vene voglia poi 'e t''o ddì
'Nmiezo a cheste vvie
Pe' San Pasquale a Chiaia
Me perdo 'int'a l’addore d''o ccafè
'Nmiezo a cheste vvie
Pe' San Pasquale a Chiaia
Vaco truvanno 'a ggente comme a mme
Che mi parli d’amore
Che mi parli di te
Ovunque sarai
Ci sarò
Per non perderti mai
Per non perderti mai
E io te cerco 'nmiezo 'a ggente
C''a paura 'e te vedè 'nzieme cu' n’ato
Scennene lacreme d’ammore
'E quarte d’ora 'nmiezo 'a via
Cu' 'na vecchia ca me dice «Né ch'è stato?
Tu tiene l’uocchie 'e chi ha chiagnuto tutt''a nuttata»
Io le rispongo po' c''a voce 'e 'nu guaglione
A essa, ca leggeva 'o core d''e perzone
«Signora mia, ca 'o primmo sguardo tutto saje
Io cerco ammore 'nmiezo San Pasquale a Chiaia
Io cerco ammore 'nmiezo San Pasquale a Chiaia
Io cerco ammore 'nmiezo San Pasquale a Chiaia»