Dəli Fikirlər

Başım qarışdı, bu dəli fikirlərin içində qarışıram
Cismimə dəymə, yerdən qopmuşam, ruhumla alışıram
Soyuq divarlar, tənha otaqda özümlə danışıram
Ömür yarışdır, mən bu yarışda ölümlə dalaşıram
Gələ-gələ, gedə-gedə
Yenə-yenə, pillə-pillə gedə-gedə
Gəlir mənə elə-belə bu həyat
Görə-görə, gedə-gedə...
Yağış olmuşam, yağıb dolmuşam göylərdən yerə
Leysan olmuşam, sel aparmışam gözlərdən yerə
Xəyala dalmışam, güzgüyə baxdım
Nə hala qalmışam, çox qocalmışam...
Mən bu canımı borca almışam göylərdən yerə