Noch Ens Kind Sin

Ich möch su jän noch ens Kind sin
ohne Sorje, ohne Stress,
unserem Nohber Äppel kläue,
mänchesmol de Botz voll Schess,
wo eß die Zick, wo eß die Zick, wo es se hin?
Einfach vorbei?
Bei uns om Hoff ne Schneimann baue,
traurich sin, wenn dä dann schmilz,
un em Fröhjoh Ömmere spille,
op dr Wiss wod sich jewälz.
Wo eß die Zick, wo eß die Zick, wo eß se hin?
Einfach vorbei?
Mih Elderhuus met däm Jade dran, jitt et ald längs nit mih
Et woren nit nor Stein, die verlore han,
et eß mih Heim jewäs, un dat deit wih.
An de Döre Müsje schelle, Seemannsköppes för en Wett,
Indianer, Cowboy spelle, ovends dudmöd in et Bett.
Wo eß die Zick, wo eß die Zick, wo eß se hin?
Einfach vorbei
Mih Elderhuus met däm Jade dran, jitt et ald längs nit mih
Et woren nit nor Stein, die verlore han,
et eß mih Heim jewäs, un dat deit wih.
Ich möch su jän noch ens Kind sin,
unvernüftich, ävver frei.
Hück die Freud, die dät bloß zälle,
Morje wor mer einerlei.
Wo eß die Zick, wo eß die Zick, wo eß se hin?