Юри

Янымда чуалып
Көндә йөри, йөри
Елмаеп карыйсың
Әллә юри, юри
Күренеп югалып
Җаныма юл ярып
Көн саен йөрисең
Хисемне белмисең
Куш-та
Юри, юри, юри, юри йөрисең
Йөри йөри матур әкият сөйлисең
Карашларың йөрәгемә
Ут салганын белмисең
Елмаеп көлүең
Чындыр, бәлки юри
Ә моны йолдызлар
Тик яхшыга юрый
Күренгәч югалма
Минем алсу алма
Бер биргәч кулларың
Кире тартып алма
Куш-та
Юри, юри, юри, юри йөрисең
Йөри йөри матур әкият сөйлисең
Карашларың йөрәгемә
Ут салганын белмисең
Карашларың серле
Елмаеп йөрисең
Хисләрең әллә чын?
Белмимен – юри син
Янымда чуалып
Йөре, йөре көндә
Мәңгегә кулың бир
Төштә түгел өндә
Куш-та
Юри, юри, юри, юри йөрисең
Йөри йөри матур әкият сөйлисең
Карашларың йөрәгемә
Ут салганын белмисең