У гэту ноч

Калыхнулася месяца сінь.
На дварэ па-асеньняму вецер.
Па-асеньняму хочацца сьніць,
Па-асеньняму зоры сьвецяць.
Калыхнулася месяца сінь.
Па-асеньняму зоры сьвецяць.
Сёньня восень гуляе садам.
Дарагая! Ня бойся! Зірні!
Ты прыйдзі да мяне, мая радасьць,
Запалі ў маім сэрцы агні!
Вецер шэпча каханьне гальлю.
— Ты заходзь, мая любая, сьмела!
Пацалункамі вытку «люблю»
На канве тваіх шчок загарэлых
Вецер шэпча каханьне гальлю.
На канве тваіх шчок загарэлых.
Сёньня восень гуляе садам.
Дарагая! Ня бойся! Зірні!
Ты прыйдзі да мяне, мая радасьць,
Запалі ў маім сэрцы агні!
У гэту ноч я ня буду спаць.
Ты зайдзі, распляці свае косы!
Я ў сэрца люблю насыпаць
Тваіх слоў залацістае проса
Сёньня восень гуляе садам.
Дарагая! Ня бойся! Зірні!
Ты прыйдзі да мяне, мая радасьць,
Запалі ў маім сэрцы агні!