Tonge karlar (Тонге карлар, төнге карлар)

Төн пәрдәсен ачып,

Ак мамыктай очып,

Ява карлар, яңа карлар.

Сызып яңа юллар,

Уза яңа карлар,

Хәтерләтә сине алар, сине алар.

Күбәләктәй җиңел,

Нурлар сибеп җем-җем,

Матур булып карлар ява, карлар ява.

Син генә юк янда,

Ялгыз эзләр карда,

Ялгызлыктан йөрәк яна, йөрәк яна.

Чәчеп җиргә аклык,

Төнге утта балкып,

Тып-тын гына карлар ява, карлар ява.

Яңа яуган карда,

Яңа өмет барла,

Ялгызлыктан юк шул дәва, юк шул дәва.