Qitik

Qitik qitik qitik qitik
Ataaseq marluk pingasut sisamat
Pississaarluni tukkaqattaarluni qitittarfimmi pikkusulluni
Kiffaanngissuseqarluni ulluinnarni qimaqqalaarluni
Tallimanngorneq arfininngorneq illoqarfimmi nuannisaarneq
Nipilersuutai nippaalugu bassialu sakkortusillugu
Tarnip pitsimi aalatilerpaat nipilersuummut milannaatilerpaat
Ataaseq marluk pingasut ingerlaannaq uninnaveertippaat
Kiagunneq takkukkiartorpoq aatsaat pikkunarsileruttorpoq
Kinaluunniit ilaasinnaavoq amerlanerulluni nuannerneruvoq
Qitik unnuk tamaaviat
Qitik sapinngisat tamaaviat
Periarfissat killeqanngillat
Qanorluunniit iliorsinnaavugut
Qullerpassuit ikittaarput assingiingitsunillu qalipaateqarput
Qitittarfik ulikkaaqqavoq isersimafigisaq assut kiappoq
Inuillu uninnaveeqqapput matutinngagu suli piumapput
Tumerparpaanik pikkunartunik nipilersuutinik qitikkuminartunik
Suna tamaat soqutigiunnaarlugu nipilersuutai kisiat tusaallugu
Ulluinnarni pisartut puiulaarlugit eqqarsaatigiunnaalaarlugit
Tamatta nuannisaaginnarta pississaarluta tukkaqattaarluta nipilersuummut
malinnaalluta
Imatullu appilluta:
Qitik unnuk tamaaviat
Qitik sapinngisat tamaaviat
Periarfissat killeqanngillat
Qanorluunniit iliorsinnaavugut
Ho ho ho ho