Kan ya makan

كان يا مكان في الزمن القديم
زعيم اللصوص اسمو زين العابدين
استولى على قصر الحكم في جبال قرطاج
تعرف على جارية تعمل في الماكياج
اسمها ليلى كانت مثل شهرزاد
ولاو ملك و ملكة وحكمو في البلاد
7 نوفمبر 87 اول خطاب
خرج للجماهير و ألقى القسم على الكتاب
وعد الشعب بالحرية العدالة و النظام
الشعب التونسي فرح سنعيش كرام
و بدات الاحتفالات بالنظام الجديد
كيما عيد الأضحى السابع من نوفمبر عيد
يحيى التغيير يحيى العهد الجديد
تمجيد و نشيد للملك من العبيد
كي يطل من القصر يرمي بعض الدنانير
لشعبه المسكين، لشعبه الفقير
ما في بالهمش اللي الملك هو طاغي الطغاة
هو في القصورات الشعب حفاة عراة
جمهورية تونسية يحكمها الملوك
دستورها الجبروت و كتابها الطاغوت
تمتع بالحياة الدنيا المال و البنون
طغى كي الفرعون و لم المال كي قارون
في دولة القانون شعب دون إرادة
الشعب بعد عالسياسة و تجرد للعبادة
و القادة عصابة تغطاو بحماة الحمى
من برى كي الملاك و هوما مصاصي دماء
يمصو في دم الرعية شمالا جنوب
و الشعب حامل و ساكت و كاتم في القلوب
و الحاشية الملكية عفست و طغات فوق الأرض
قسمو الخريطة و قسمو بالطول و بالعرض
هادي لليلى هاذي لبلحسن هاذي لعماد
ظلم و قهر و سلب و نهب و اضطهاد
و اللي يعارض عليهم ينفى وراء الشمس
يحيى بن علي فريضة كيما الصلوات الخمس
مشى لبيت مكة و حج و أدى المقدسات
منع الشعب عن الصلاة هزو للمدنسات
نفاق غطاه بالهتافات و التصفيق
اسقي الملك دم الشعب و الإبريق
و الشعب لا حول ولا قوة له
مثل عيسى بن مريم بين أيادي اليهود
الحاشية الملكية كانت دايرة بالكرسي
ملكة قرطاج و عايلة الطرابلسي
كانو ضباعا اصبحو أسود
كانوا محميين بآلاف من الجنود
و المعارضين رماووهم في السجون
منعو الحجاب للنساء منعو الرجال عن السجود
قطاع طرق لبسو ثوب النبلاء
للشيطان عملاء زرعو في الشعب البلاء
ملكو القصور و ملكو المجوهرات
طالت أيديهم من النهب و السرقات
همهم الوحيد المال و الياقوت
نساو الفناء و لله الخلود
لينولات طبقات أغنياء و فقراء
و الشعب المسكين طبقو عليه القرارات
زيادات في المعيشة زيادات في الضرائب
في بلاد العجائب، بلاد الغرائب
مناو الرعية أما كذبو في الوعود
خباو الدينار ورا باقة من الورود
خطابات الملك كلها كذب و زيف
الشعب في خدمة الملوك كالوصيف
طالت الأيام طال معاها الاستبداد
كثر الفساد بين أهالي البلاد
كثرت البطالة و كثرت الاحتياجات
كثرت الاعتقالات ضد الاحتجاجات
مأساة شافت اليوم الموعود
لا ظلم بعد اليوم و لا حكم للطاغوت
ثارت الاهالي من سيدي بوزيد
لا ظلم بعد محمد البوعزيزي الشهيد
ثارت الشعوب من الشمال للجنوب
كثرت الاصطدامات بين الشعب و الجنود
شهداء و سجناء، حزن و بكاء
دماء الأبرياء بأيدي حامي الحمى
كان يتوعد في الرعية بأشد العقاب
لكن الشعب لم يعد يخاف قطع الرقاب
شعارات ضد الحكم لتسقط الملوك
لتحيا الشعوب صوت الحق لن يموت
فاستجابت السماء لدعاء المظلومين
لا للجبابرة لا للظالمين
فلاذ الطغاة ***** بالفرار
وعد الله حق أمام كل طاغ جبار
أين الجاه أين المال أين القصور
الذي أمسى أسد أصبح كلبا مسعور
هاذي عبرة للطغاة يا ملوك العرب
إن لم تحكموا بالعدل مصيركم نار الحطب
مثل زين العابدين هاذي احسن القصص
الزين علي بابا و الطرابلسي الاربعون لص