Dicitencello Vuje

Dicitencello a 'sta cumpagna vosta
ch’aggio perduto 'o suonno e 'a fantasia
ca 'a penzo sempre.
Che é tutta 'a vita mia
i' nce 'o vvulesse dicere,
ma nun nce 'o ssaccio dì!
'A voglio bbene,
'A voglio bbene assaje,
Dicitencello vuie ca nun m' 'a scordo maje!
E' 'na passiona
cchiù forte 'e 'na catena,
ca me turmenta ll’anema
e nun me fa campà.
Dicitencello
ch' è na rosa 'e maggio.
ch'è assaje cchiù bella
'e 'na jurnata 'e sole…
D''a vocca soia,
cchiù fresca d''e vviole,
I' già vulesse sentere
ch' è nnammurata 'e me!
'Na lacrema lucente v' è caduta…
Diciteme 'nu poco a che penzate…
Cu' st’uocchie doce
vuje sola me guardate…
Levámmece 'sta maschera,
dicimmo 'a verità.
Te voglio bbene, te voglio bbene assaje
si' ttu chesta catena
ca nun se spezza maje!
Suonno gentile,
suspiro mio carnale
te cerco comm' all’aria
te voglio pe' campà!