Donnersberger Brück'n

Stehst da wie angegossen, host von Smog genug
Gesundheitlich bewundernswert — an ganzen Dog der Zug!
Oa Zug fahrt auf Amerika, der andere auf Rhodos
Unter dir in’d weite Welt — i muss scho sagn, des hod was!
Donnersberger Brückn — pfeifst aus’m letzten Loch
Du Golden Gate für Arme, du bist ned schee — und doch
Donnersberger Brückn — i fahr auf dir ob!
Debakel im Berufsverkehr, Stop and Go — and Stop!
Brückn gibt’s wia Sand am Meer — eckad, gscheckert, rund
Manche gengan in die Luft und manche san im Mund
Über Donnersberger Brückn musst du gehn —
Wer München mag, der muass se des moi gebn
Donnersberger Brückn — du greislig krummer Hund
Du Golden Gate für Arme, du bist ned schee — na und?
Donnersberger Brückn — du machst di ganz sche breit
Du dreckats Gstell aus Stahlbeton, du überbrückst die Zeit
Bei dir geht’s eigentlich immer, komma sagn, drunter und drüber
I brauch doch koan Big-Mäc — mir wär a Donnersbörger lieber!
Donnersberger Brückn — i woass ned, irgendwia
Hob i vui Sympathie fuer di — i glaub, i steh auf dir
Donnersberger Brückn — i vergiss di nie
Und manchmoi spuit da Wind, die Donnersberger Melodie