Anders

Dir säger geng dr Ander sött anders
Aber nei, es sit dir säuber wo anders söttet, nid dr Ander
Drum ruumet mau so richitig uuf i öiem Dräck u Ghöi
Nume so cha dir Wäut o anders wärde
Höret uuf mir Warte uf ä Ander wos für öich söu mache
Nei, dir sir dieinige wo anders müesset
Damits ändlech mau anders wird
Wüschet gschidr zersch mau vor öier eigete Hütte
Bevor dr geng mitm Finger uf ä Ander zeiget
U wüsset, we dä Ander de no chli anders isch aus dir
De wird öich immer grad anders
U verdammt eifach isches när di anderi Sou dür ds Dorf z tribe
Houptsach esch isch dr Ander wo anders isch aus aui Andere
U dir sit genau gliich gfange u dumm i öiere Angscht vorem Andere
Drum höret uf säge dr Ander sött anders
Nei, es sit dir säuber wo anders müesst, nid dr Ander