Storia di Lorenzo Panepinto

Lu sidici di maju a prima sira
Lu tempu scuru e luna nun cci nn’era
L’empij scillirati e traditura
Nun vosiru addumari li lampera
A lu paisi quantu luttu c’era
Quannu arrivà la figlia criatura
Patruzzu miu, comu fazzu ora
Ca piccilidda cci arristavu sula
E don Lorenzu va a la sipurtura
Accumpagnatu di tutta la Lega
Accumpagnatu di tutta la Lega
Ognunu la so' lingua studiava
Ognunu la so' lingua studiava
A don Lorenzu la vita liggeva
Chiangimmu tutti genti siciliani:
Murì lu patri chi dava lu pani
Comprici sunnu li affittajola
Macari agenti di cancillaria
A li putenti chistu un cci calava
Ca don Lorenzu l’occhi nni grapìa
E p’aviri a lu populu ajutatu
A don Lorenzu cci finì ammazzatu
E p’aviri a lu populu ajutatu
A don Lorenzu cci finì ammazzatu
E p’aviri a lu populu ajutatu
A don Lorenzu cci finì ammazzatu