Dar il maun

E la tema straungla il saun patratg e lai buca tier in clar maletg
Clar eis ei da mintgin siu dretg d‘esser retg
D‘esser reclis cun sesez. tema digl jester
El spért dretgs, jeu stun plitost seniester
Negin motiv da piarder cardientscha. perquei lein dar il maun
Sin tut il bien, tut quei che vegn, bunas ovras e puccau
Viver e schar viver, la sligiaziun schai el liber
Schar reviver il coc intern, nies sulet equiliber
Lein dar il maun in a l‘auter
Lein dar, malgrad esser auters
Lein dar, il maun in a l‘auter
Lein dar, malgrad esser auters
Jeu dun il maun a tut quels che schaian giun plaun
Che bragian malsaun, ch‘han piars il caraun
Ch‘ein persuls cun lur vuschs, ed els anflan buca paun
Per dar il maun drovi buca bia, stos buca schar dar
Stoss buca sponder tiu saung
Jeu dun il maun, per unfrir in tec forza
Ina glisch el stgir ed alla fin dil tunnel la cazzola
Agid per mintgin che tei cloma
La surventschid‘ei buca gronda, dai il maun a zatgi che senoda
Jeu emprovel da trer vinavon quei patratg
Nus essan tuts carstgauns cul desideri libertad
Ins sto ver adatg ch‘ins sepiardi buc el schliet
Ellas novitads negin che muossa a nus il bien. quei ei donn!
Corrispunda buc al mund ch‘jeu vivel
La realitad ch‘jeu vesel e l‘historia che la veta scriva
Clar ch‘ei dat negativs incaps
Mo il bia sentel buns e positivs patratgs
Lein dar il maun in a l‘auter
Lein dar, malgrad esser auters
Lein dar, il maun in a l‘auter
Lein dar, malgrad esser auters
Lein dar il maun in a l‘auter
Ensemen essan ferms
Malgrad esser auters
Lein dar il maun in a l‘auter
El temps dad oz drova ei curascha dad esser auters
Lein dar il maun in a l‘auter
Ensemen essan ferms
Malgrad esser auters
Lein dar il maun in a l‘auter
El temps dad oz drova ei curascha dad esser auters