Stempel

Stempel, stempel
Ip men hoofd
Oe komt dat iedereen
U geloofd?
Niemand weet
't er finne van
En niemand die 't
Vergeten kan
Ik e nen stempel ip men hwoofd
Ke ol vanolles geprobeerd
Moar ie goat er niemir of
't word soms fin geformuleerd
Moar doarmee voelt et nog nie
Minder grof
Ge moet verstoan ik was nog jong
Gelik dat iederjin is gewist
Ondeurdacht en onbezonnen
De joarn dak nie gemist ein
En ol 't slichtste
Ein ze ier onthoedn
Ier int dorp en in de streke
Goat er geen ene dag voorbie
Da kik skeef worde bekeken
Da ne vinger wiest naar mie
Wie da je zit
Beslissen anderen vo gie
Moar ik leerde iemand kennen
't was een echte goe madam
Uut een dorpke in d’ardennen
Moa ze kost een bitje vlams
En die stempel
Kost ze nie zien
Ik ging nekji na doar
En zie kwam nekji naar hier
Ik noar gunter voor den rust
Zie noar ier voor et vertier
Dus ik zat nekji ipt plein
Met et meiske van men dromen
Mo der kwam iemand naar oes
Zag dak ip eur was gesteld
Ze zei 'Madam, kben nie jaloes
Ma jet u nie olles verteld'
Ze stond rechte
En zis nooit mi were gekomen
Ik doe toch goeie werk
En ik zette mie toch in?
'T is roar zegn van jen eigen
Maar ik vind
Dak er best wel meuge zin
Dak er best wel meuge zin
'K goa verre moeten reizen
Ier voor altid uut het zicht
Dak geweun ma moeten peizen
Aan wat dat er voor mie ligt
'T verleden dat eit
Altid meer gewicht
Altid meer gewicht