Siud Thu 'Ille Ruaidh Ghallain

Siud thu 'ille Ruaidh Ghallain
Shiùbhlainn leat an cuan fairis
Siud thu 'ille Ruaidh Ghallain.
Nuair a dh’fhalbh sinn leis a' bhàta
Fhuair sinn treis a' bhàirlinn mara.
Cha robh againn ach luchd ceàirde
Gobha, 's gàirnealair 's ceannaich.
B' fheàrr leam am fear ruadh nam mhàthair
Nuair thàinig an gàbhadh tharainn.
An gobha dhèanadh na tàirnean
Lìrigeadh e 'n àird ri anam.
An gàirnealair bha sa ghàrradh
Cha b' ann air a' chàl bha aire.
An ceannaich aig a robh a' mhàileid
Fhuair e bhathar air a shailleadh.
Fear bha freasdal na h-aon làimhe
'S beag a b' fheàirrd' iad e sa chabhaig.
Gur e gaisgeachd agus cruadal
An fhir ruaidh thug sinn gu caladh.