Cuori cruru

Assammaratu e siccu nt’on agnuni
Cuntu e ricuntu tutti i carti mia
Mi sientu fiermu in facciu a stu scaluni
Iu nun mi sacciu muoviri ri mia
Mi manca l’aria e mi manca u pitittu
Rintra m’abbampa a siti r’u cchiù siccu
E vitti u munnu pi chiddu ca era
E vuosi iri n’on’atra galiera
Ora ca cancia tuttu troppu siempre
Iu comu figghiu ‘un m’assumigghiu cchiù
E mentri all’alba tutti dorminu
Ricogghiu zoccu ‘un haiu e minni vaju…
Minni vaiu
Cu cuori cruru e i manu ri me patri
Grapu e richiuiu ‘sta bilici china
Haiu un cutieddu misu sutta u liettu
M’u va cuntruollu ogni siritina
Ora ca chianci tuttu troppu siempre
Iu comu figghiu ‘un m’arripigghiu cchiù
E mentri all’alba tutti dorminu
Ricogghiu ‘sti 4 ossa e minni vaiu…
Minni vaiu
Senza taliari a nuddu rintr’all’occhi
Pigghia e minni vaiu
Minni vaiu, minni vaiu
Iu minni staiu c’u me cuori cruru