Der Holzweg

Es war amoi a Hoizknecht so stoiz
Es war amoi a Hoizknecht so stoiz, stoiz, stoiz
Der ging liaba in die Disco statt ins Hoiz
Do tanzt er mit da Gschladerer Yvonne
Des is die 1. von der Jungen Union
De Muada is im Pfarrgemeinderat
Und da Voda, der is Landtagskandidat
Beim «Only you», do macht da Hoizknecht alles klar
Und na fahrns no mitanand ins «Morning Star»
Kaum waren drei Wochen vorbei
Kriagt d' Yvonne glei eine mordstrumm Speiberei
De Muada denkt in ihrem Sinn:
I moan oiwei, do is da Hoizwurm drin
Da Voda schreit, du Matz, i schmeiß di naus!
Da Herr Regierungsrat schreit, du Matz, i schmeiß di naus!
A so a Hoizbock kimmt ma niamois nicht ins Haus!
Mitm Wachsstock und mitm Rosenkranz sans furt
As ganze Dorf hot denkt, sie waarn nach Lourdes
Doch der Wallfahrtszug is in die andere Richtung gfahrn
Statt in Lourdes, do war s' in Amsterdam
In Holland drobn, da Jungfrau seis gedankt
Hom’s eine wunderbare Hilf erlangt
Da Herr Regierungsrat war ganz gerührt
Und hot am Engelwerk 500 Mark spendiert
Halleluja, Kyrie eleison, das ist die Bayerische Indikation!